原本計劃咗昨日砌上星期係動漫買的Lego屋，但竟然昨日係最無生產力的一日。

朝早一起身就頭暈，食咗之前醫生開的止暈藥，但食咗幾個鐘都仍然係暈，只要個頭轉得太快的話，我就會飄吓飄吓。所以最後都係走咗去屋企附近的醫院睇門診，個醫生都唔知係唔係，同一個問題問完又問，究竟佢有無聽我講野。最後打咗止暈針，但到我夜晚睏時仍然係暈暈哋。oh no~~支針好貴呀!!

其實係星期六時，我好精神，仲精神到可以去做gym，(其實這日我仍飲緊中藥，這個唔係飲藥粉的中醫，而係我是但找的中醫，佢ok呀，飲咗藥之後終於可以睏醒，唔駛成日都好似睏唔醒咁)，但第二日起竟然會係咁。

最後睇完醫生都唔知咩事，我同森娒估計可能係血壓的影響，因係門診那裡量到上壓106，下壓52，心跳62。雖然醫生話血壓係低咗少少，應該無乜野，但我同森娒諗來諗去唔知咩事，唯有當係啦，個心會安心d。放心~~今日我無暈了，都ok精神的。

唉~~間屋仔幾時先可以砌呀!

我的病大大話話都成兩個幾星期，如果我唔睇醫生，病咁耐都抵死，但我唔係，我有睇醫生，仲要係由初起時(真係剛剛開始咳兩聲)已經去睇醫生，但到現在，病菌總係唔肯離開我呢!
~~~~~~~~~~~~

太后，係呀!Lego真的好貴呀，所以每買一次就心痛一次。

明明食緊止痛藥，點解除咗因為痛得太犀利的肋骨位外，連舊患都痛???今日再去睇醫生時，醫生聽到都覺得好笑，食住藥都會有其他位置痛的。當我覺痛時，唯有抺藥膏，那當然係醫生開的止痛藥膏啦。
而我的肋骨的痛食咗藥係好d，無之前輕輕力touch都痛，但如果按佢的話都仲會痛，除咗餘下少少痛之外，仲有d脹住及頂住的感覺，希望今埋這三日藥可以好番。
講真，好係係好想食這種藥，因為我食這種藥食得多係會好熱氣，即會出現咳及喉嚨痛囉.....快快快好番。

由我細細個開始都睇中醫，到出來做野後，都有睇，不過以前係媽咪煲藥，之後就醫生那裡煲藥。
由上個星期四開始病，食西藥食咗一個星期，病係有好的，起碼我唔會成日都好易累，喉嚨痛，無咁咳，但可惜總係有d咳，所以無辦法，又要睇醫生，但今次係中醫。
這個中醫係我第一次睇，所以唔知佢可唔可以醫好，但好得意的係佢係開藥粉，我第一次可以自己返屋企沖中醫飲。沖出來，同一般的涼一樣，黑黑的及一樣係苦的。不過講真，咁又真係好方便，我可以選一個自己可以飲的時候先沖來飲，咁當然都係限制，一日沖一包，只係自己可以控制時間，唔駛一要放工後跑到醫館那裡飲藥，之後又要衝衝忙忙走去買餸。時間真係好趕!!
而藥粉我就可以整好所有野之後，先慢慢沖藥飲。
醫生開咗五包藥粉，希望食完d藥會好番，不過我聽醫生講雖然我個喉嚨無痛，但其實係發緊炎，仲要係好紅那種，好彩的係無白點點。好彩之前睇咗西醫，如果唔係，我諗我個喉嚨會爛都有份。
細菌，快d走呀!!!

究竟係的身體差得咁要定係再而家的痛菌勁得咁緊要?

只係一日廿四小時都唔夠的時間，由喉嚨痛變成感冒，中間當然再經過了小小流鼻水到就放工時不停咁抺鼻水，仲有由無鼻塞到塞到聲都變咗，原本正常聽覺到開始覺得感冒來到時耳朵有野蓋住(即開始聽野聽唔清了)，以上的變化就係由我起身返工到我放工的九個鐘的時間而已。而喉嚨唔舒服則由昨晚開始，但睏睏吓竟然痛醒咗(真係第一次喉嚨痛到醒)。

最好笑的係我個樣不知幾無病，如果我唔出聽，基本上係無人會知道我病咗，因我一出聲的"盟"鼻聲可以嚇死人。

一日裡經歷咁多變化，究竟係唔係我的身體差得咁犀利，但我真係有努力咁去運動下，我感覺到我的新陳代謝比以好咗，但都會咁病的?

 

後記：

睇醫生時，與醫生的對話。

醫生：你感冒，你有無去過美、加的地方呀?

我：(諗都唔諗咁答)我都想去呀!但我無錢去呀!

醫生：(半帶笑咁講)如果你係去過那些地方，會立即要我去醫院做險查。

我：無呀!我係香港"姐"

 

大家放心，我只係普的感冒，因食咗d藥之後，個喉嚨舒服好多了，但個人就開始遊魂。

係前日，只係早上起身做咗個伸懶腰咁簡單的動作，竟然又再拉到頸與肩之間的位置，其實實際位罝我係唔知，只知係那附近痛，只要頭向前咗向後到某點時，就會拉住咁痛。
今次我無去睇醫生，因為今次無影響到隻手，但到今日為止都痛緊，希望痛多兩日唔痛啦!佢唔痛，我條頸先會無咁緊。

真係天大的笑話，我瞓覺瞓到扭到隻左手。
話說昨晚瞓覺時，一個轉身就轉到左面的"格拉底"附近的位置就有少少痛，起初無理佢，但點知等一陣就愈來愈痛。忍唔住轉番身，森娒本想幫我按按那個位，希望d肌肉放番鬆，點知無用。我又好眼瞓，所以瞓啦，發夢姐，第二朝起身會無事的。
第二朝起身會無事的，真係發緊夢，因我刷完牙想拿毛巾這個動作我都用唔到。連拿一杯水都覺得好唔舒服。
終於等到放工去睇醫生，由於要claim保險，所以要睇西醫先可以睇中醫。嘩!好貴呀叫醫生去填那份claim form。醫生話係瞓"麗"頸導致左邊的肌肉拉緊。醫生仲好努咁幫我按摩，呀!!!好痛呀!!!!醫生話我左邊的頸至肩位的肌肉腫咗囉。現在食住藥先，咁希望食藥可以令到這個笑話快d消失。

這幾天唔好找我。
我的心情好不佳，基本上應該係我就來病，現在處於作病的時間。總之只知少少事都可以令到我燘到死。
仲要這三日開始係同一時間開始會頭痛，不斷咁痛，痛幾個鐘就會突然有一刻會唔痛，之後就唔會痛，但會好眼睏，個人會有累。第二日痛時試過食止痛藥，但無效，只係將我痛的位置集中係某點，而那一點仲痛過未食藥之前。
頭痛耐唔耐我會有，少部份頭痛係因為唔夠睏，所以睏個夠都無事。另一個原因會頭係M來之前，會痛幾日，食藥都無用。最後的大部份係感冒，同樣係食咩都無用，唯一可做的係睇醫生。
但我理由一頭痛就走去睇醫生，所以要睇睇情況，情況睇到了，我係有病，可惜今日係星期日，而再出現頭痛的時間係下午的四、五點的時候，所以無得睇醫生了。
等，等明天吧!
但我只得頭痛同眼睏，醫生肯開感冒藥我食嗎?之前我痛咗幾日就會有其他的病徴出現，如：咳，今次只係頭痛。醫生會唔信我係有感冒呢?

 放過我好嗎?
我已食差不多半個月藥去醫唔到的病，最初係痾，跟住骨膜發炎，骨膜仍在痛的期間，再來個大鼻塞加咳，現在鼻唔塞，骨膜仍有拉扯及小小痛的時候，就來了喉嚨痛(食咗藥後，又開始咳，唉~~)。除咗食骨膜發炎的藥外，其他藥食完之後都係令到我朦朦糊糊咁，即係話我這半個月來都係處於遊魂狀態。我究竟幾時先可以回魂?
今日同個客講電話時，客人問我又病呀?我立即話你又知?(我喉嚨痛無理會聽得出)，跟住佢話我又有少少鼻塞。我心諗唔係掛，又來。跟住就好好笑地咁係度講，佢話聽佢的同事話細過多病，大個就無咁多病；細個少病，大個就會多病的理論。
這個理論唔知真定假，但放係我身上係啱。可能細個成日跑跑跳跳，人大咗就連行都懶，所以病痛就多咗。
但希望喉嚨痛係我這個半個月的病的尾聲。而骨膜炎的位我會盡唔好拉長條腰，希望唔好再加重傷勢。

前日放工時，發現喉嚨有少少唔舒服，無理佢就走去做facial。
點知做做吓facial，個鼻有d塞塞哋，起初諗住係鼻敏感，因為一出門口就無事。返到家已扮醒，立即沖維他命C飲吓，希望頂得住會無事。
點知當晚”訓”到半夜4點鐘比個鼻塞醒咗，之後就一路無覺好”訓”，因為鼻塞情況嚴重，我係個鼻完全塞住，個喉嚨腫”曬”，所以我就算打開口吸氣都係完全呼吸唔到。好辛苦!!但大部份時間都可以用口抖氣，但跟住又會係咁流鼻水、打噴嚏。當我諗住可以安心去”訓”時，個鼻同喉嚨又塞住咗，又抖唔到氣。唉~~如是這，自4點起，基本上係無”訓”過。
由於塞得太勁，我走到sofa攞陣坐係度”訓”，個陣就係找兩個cushion用來”艾”住個背脊同個頭，個頭要保持水平線，否則塞得仲勁，而sofa則放咗張枱，而張枱上面當然係放咗盒紙巾，準備用來抺鼻水，到天光望望張枱上有一坐小小的紙巾山。但唔知係唔係坐的姿勢有問題，或我太用力去抖氣的關係，我胸口位有d痛(問過醫生，都係骨膜發炎來的)，除此之外，我左邊的肋骨又再隠隠作痛。我係keep住食藥，已經開始無咁扯同無乜痛，一個鼻塞，又令到我再痛番。
到咗第二日，我又唔知點解好似無乜事咁返度工。我個樣仲要好好添，我唔講野，唔會有人知道我有病。早上都好d，唔係好塞，d客仲認到我把聲，但去到lunch打後的時候，無一客認到我把聲。又係塞到抖唔到，愈夜愈無氣講野(聲又開始細到坐隔離嗰個都聽唔到我講咩)。由於太辛苦，一到六點立即走去找醫生。
醫生開的藥好勁，唔駛廿四個鐘的時間可以令到我把聲回來咁制。亦由於太勁的關係，我食到有d手陣，但無法，唔可以一路咁樣鼻塞。
今早客人打電話找我時，仲係認唔到我把聲，而佢哋聽我講野係一”舊舊”的。到差唔到收到時，我把聲開始回來啦!
希望病埋這幾日唔好病囉，由我痾到今日為止，我未停過藥。快停、快停、快停…..

 

星期六時，除咗睇骨膜發炎外，主要其實係去抽血驗甲狀腺。
今日收到姑娘的電話，我的甲狀腺穏定，所以又可以減藥。由一日粒改為隔日一粒或可以一日半粒藥。
但最可笑的係可以一日半粒藥，我懷疑醫生忘記咗我食緊那粒藥的樣，我食緊的藥係糖衣裝的，我點樣將粒藥切做半粒呢?我聽到後我就係度幻想緊如果將粒藥分做一半會係咩樣，糖衣可以切一半，咁中間D粉會流出來，但會有幾多流出來，因為粒藥好細粒的，真係好難想像。

 

昨日，森娒買咗個扁扁Kuromi，好得意0架!!只要入番d空氣入個袋，扁扁kuromi會變做脹脹的Kurmoi。

扁扁的Kuromi 變回脹脹Kuromi

勁!有無聽過按摩按到骨膜發炎。現在你哋會認識這個人，就係我啦!!
哈哈哈~~我都唔知點解，發炎的位置係當日按摩師無按過的位置，當日按的位置主要係左背，現在發炎的係左則的肋骨位。起初痛時無特別注意佢，因為按的時候係有d痛，我諗住係因推背一拉正常反應，點知過咗兩日都仲痛緊，除咗痛之外，仲要扯住扯住的感覺，而痛的時候係覺得裡面痛(明顯感覺到唔係肌肉痛，所以我無貼止痛野或搽止痛的野)，因那位置明明係骨來的，都唔知可以點。由於扯吓扯吓，所以坐的時候只可以直，但又不能太直或太彎，太直會好扯，太彎的話會好似有野頂同呼吸不順。
今日終於忍唔住，去醫生。推動睇醫生的力量係因為我今日要抽血，順手睇埋，另昨睡覺側向左邊時，感到好痛，好似痛到成排筋骨都好痛。早前無側左邊係因為唔"點"佢都痛，昨日無痛，只有扯住的感覺已而，點知係錯的。
今早起身時，我以為我自己發夢，所以係睇醫生前我"特登"側左邊睏吓，一睏痛到立即諗都唔諗就起身，因為我知我唔係發夢。
最好笑係去到醫生時，醫生點轉我、點按我都好，一d事都無，都按咗成幾分鐘(醫生變咗按摩師)。後尾係我拉一拉直條腰後，醫生一按就中，原來係醫生怕我痛，所以佢好細咁按。但被按痛後，就一直咁痛同扯住。
如果食完藥都仲係咁，就要照。唔好啦，好貴0架!
希望未食完藥就無事!

 

昨日(9月3號)，終於係這間公司請第二次病假。
其實想唔請假都唔得，因為個人實在太辛苦，愈來愈累，愈來愈無氣講野。我講咗的聲細到我同事企係我前面都聽唔到我乜野。就連個客人聽到我把聲都叫我快d返屋企休息吓，因我係三個鐘聽咗個客三次電話，而每次聽佢電話的聲一次比一次無氣。講真，當時我連行都都唔想行，離開公司時，連一條直線都行唔到。
基本上，係前晚我已經有諗過唔返工，因前日我足足痾咗一日，早上都仲ok，但到咗晚上就頂唔住，要食保濟丸。食完係work咗兩個鐘，之後又再痾過，仲要痾得"金"朝早，痾到無氣無力。點知朝早起身時發現無咩事，所以就起身返工。哈~~真係無諗過三個鐘的變化咁大。
昨日早上痾的次數次其實唔多，只係兩次而已，但就愈晏愈累，愈來愈無氣。
現在食咗藥無乜野了，講又好大聲了。

係前兩個星星期前，突然發現喉嚨好似有點點唔舒服。但第二日又無咁事咁，所以就唔理佢。

點1前日開始，喉嚨除咗有點點頂住外，仲要有少少痛，所以就走去食吓喉糖，感覺ok，好似又無乜野咁，所以又唔理佢。但到第二日就發現唔可以唔理佢，因為口乾。係仲乾過前一日。那兩日飲咗好多水，基本上講咗幾句野口就好乾。而第二日的好好笑地兩邊喉嚨的感覺好極端，左邊的喉嚨好乾，右邊的喉嚨就無事。

由於這個咁極端的情況出現，最後都係要去找找醫生先得。食咗d藥只感到喉嚨無乜頂住，但喉嚨依然好乾，仲咗乾之外，好肚餓。點解食親消炎藥都會咁，口渴又肚餓。

醫生除咗開消炎藥，仲有其他藥的，可惜我唔識佢哋，但明顯地我每朝早起身起唔駛再係咁打噴嚏同流鼻水。終於唔駛朝朝都好似大傷風咁。

上個星期六又走到醫生那裡抽血，今次的結果實在開心，因為終於回覆到正常範圍內。但藥的份量依然不變，係早幾次抽血時，醫生已經講我知，唔可以突然停藥，要維持一段時後再慢慢減。

原來食食吓，都食咗差不多八個月了。現在好努力咁等，希望可以好快唔駛食藥。而停藥後唔會返發。

早前的咳開始好，但總係有d咳，約係耐唔耐就咳兩聲。所以係上星期尾時走去睇中醫，我唔係睇之前睇開的中醫，因早前係出現甲狀腺問題的病徵時，醫生都把唔到我個眽係過快，因此個個人都叫我唔再找那個醫生，咁我係一個好乖的小孩，所以係媽咪的介紹之下，去找另一個中醫醫生睇。

現在新的醫生要行好遠，行約十分鐘左右先到。之前睇的係屋企對面囉。

雖然係遠咗d，但飲咗兩日藥，咳都咳得舒服，無咁辛苦了。希望多睇兩次就ok啦!

 

之前去醫生抽血的報告又出咗，星期一晚姑娘打電話比我，xxx(我個名)，再減多一粒藥，即每日三次，每次改為一粒。yeah yeah yeah!!

希望食少d藥之後，條頸的腫都會收細番。

之前睇醫生時，醫生有話有可能病係控制到，只係藥犀利，所以先出現頸腄。佢仲話，除咗條頸之外，其實你個人都....我都好大聲同佢講成個人都肥咗。跟往醫生笑笑口咁講，就係囉!不過無辦法，食緊藥。不過我覺得都唔駛兩個星期肥兩個kg掛!

唉!快d好番啦!我唔想再係咁肥落去。

係兩個星期內，我唔知自已重多咗幾多，但衣服已經話咗我知，我肥咗，仲要好多那隻添。但無奈，應該係藥的影響，即使我點努力去做gym都好，一路一線上升，亳無停下感覺。

除咗個人之外，條頸都係度暴肥緊，無錯，係條頸，肥到有d頂住個喉嚨，有時都幾唔舒服。

明明有食藥，初時病，頸的甲狀腺係無腫起，但現在食食吓藥，佢竟然腫起來。亦都開始有人發現條頸腫起來。(唔制呀!)

我唸無乜問題，係正常情況，只係我的反應比較慢，因好多甲狀腺的病徵一路都無出現，反而知道之後，病徵先慢慢出現。而我的病徵唯一最快的只係心跳。

星期六會去找找醫生睇睇乜事。因醫生叫我得閒話去比佢睇吓。唉!醫生點會得閒去睇(正常都唔想睇醫生)，唯有找日去睇。

前日趕得好辛苦走到醫生抽血，個test的result出咗啦!

滿意呀!比起之前好咗好多，所以由今日開始，可以食少d藥啦!一樣係每日三次，每次兩粒，比起之前每次食少一粒，yeah!好現象。