上個星期講緊個熱水爐由熱水自動變凍水，本來想打電話跟業主講可否換咗個爐，但點知同森娒行日本城時，森娒發現咗一款花灑叫低水用壓花灑，價錢只係數十元，所以就買返屋企試吓。
就係這個低水壓花灑，就可以免了跟業主講要換爐的事件。原來係原本用的花灑(其實係舊屋那邊拿過來的有按摩功能的花灑頭)唔適用係這裡，但明明之前住的係高過現在新屋一層，那邊沒問題，但這邊竟然大到可以令水溫咁唔穏定。奇怪!
就自新花灑頭的加盟，咁我終於可以沖個溫度適中的涼啦!舒服曬!

搬入新屋住剛剛一個星期，感覺唔錯呀!起碼唔會有狗吠聲、水泵不斷又開又閂的嗚嗚聲，這裡寧靜得多，塵又無咁大，住得比較舒服。
可惜，到現在唯止，我都係未能識用沖涼的熱水爐，總係沖沖吓涼會變凍水，又要我重開過個火先可以用。(個爐係最舊式的唔駛開窗的煤氣爐)佢的水好唔穏定，都唔知點先得。
除此之外，基本上無乜大問題。雖然樓齡高d，但如果有錢，我都唔介意買佢的，因為這個地方見使。
我可以將舊屋的野全部搬到新屋，仲可以買多個細細哋的書櫃。所以某程度上來講，新這邊係大d，但以數字上來講，舊屋的建築面積比新屋要大d呢!
希望這個業主唔會加租加太多，如果係咁，咁就可以多住幾年。

終於去咗睇澳門的煙花節。
好睇!!我比較喜歡法國，因為colourful，同d顏色比較sharp。而台灣唔係唔好，但一比較下，我偏愛法國。如果下次再有煙花節，又有錢的話，我會c hoose其他國家。
星期六那日放工就立即走去坐船，但唔知係唔係因為海比較大浪，所以上咗船無奈就開始個胃頂住同少少頭痛。好彩，到咗睇煙花時沒事，仲好精神咁去睇。仲係台灣和法國之間的空閒時間，同橙小姐及豬小姐影咗好多相呢~~我諗我哋未試過有一個咁長的空閒時間去影相啦!
而星期日則餘下我同森娒玩，去的地方只有三個，澳門保安部隊事務局、盧廉若公園、國父紀念館，有名的大三巴等等都沒有去。其實都係想休息下，無謂再去一d之前必去的旅遊點。那三個地方真係無乜特別，真係純粹未去過。我諗去特別去到國父紀念館時以為自己去咗台灣，因為其中一間房係有幾支台灣的青天白日滿地紅的旗，仲要又有個房放滿台灣的相，真係有錯覺自己去咗台灣。
不過星期日那日真係好熱，熱到我去到碼頭坐定定時就開始覺得頭痛，唔~~~又係船度"瞓"。
返到屋企，成個人散咗~~~

不經不覺，傻姨甥仔今年讀中一，咁我就好無聊走去睇吓佢而家的書，點知發現本書似小學生的書多過中學生的書，唉...當年我讀中學時的書公仔都唔少，點知現在仲誇張。
唔知係唔係因為我同傻姨甥仔唔係讀同一間學校，所以唔知係唔係因為這個原因，佢哋上堂唔係跟cycle，而係好似小學咁，跟星期幾上堂，定係現在的學校已經無咗cycle這樣野呢?
除咗這樣之外，原來科目都有點唔同，中、英、maths、中史同IS(佢哋唔係IS，個中文名好長的)之外，無咗Geog(但仍要買altas)、History、EPA，取而代之係有科叫人文咩咩咩(個名太長，記唔到)。
我諗我真係老了，連學科的名都唔明。

係我昨晚眼睏到差點連眼到張唔開時終於完成咗係動漫買的Lego。這是其中一款，我決定咗放多幾日後，會拆咗佢再砌另一款。

 

早前跟靚靚家姐一齊去睇戲時講開病這個問題，講講吓就講到睏覺的問題。

其實我係好易睏著的人，坐巴士五、六個站我都可以睏度，但我每晚都睏起碼八個鐘，但偏偏每日總係仍然想睏覺。有睏醒的日子，但數量不多呢!所以靚靚家就介紹了退黑激素這藥，這藥係佢之前睇醫生時介紹的，而退黑激素係一種補充劑，好似維他命咁，而佢的效用係控制體內的生理時鐘，使人容易入睡，提高睡眠質量。希望佢講的係真啦!

昨晚第一次食，感覺到個人係睏得"淋"d，但可能日積月累的唔夠睏，所以一晚睏得"淋"未能消除眼睏這狀態，希望多食幾日會真的能改善。

 

終於睇咗Harry Potter啦~~~感覺係失望，但卻有點驚喜。之前係未上畫前已經成日叫話要去睇，但無人陪，所以忘記到有人提起先諗起。

感覺失望係成睇完成出戲都唔知佢講乜，真係有d支離破碎，講到尾只知邊個係half blood prince，但half blood prince 係咩來的呢就完全無講過。出戲150分鐘，如果張戲飛唔係一百廿元的話(雖然唔駛我比錢，但都好心痛)，我諗我唔會目不轉睛咁睇。

張飛咁貴的原因係找來找去只有mega box的imax先有得睇(其實係靚靚家姐找的)，但又好想睇，所以無辦法，唉~~~張飛貴係有佢自身的原因，因為imax係一間3D戲院，即我哋係睇3D版。可惜的係3D埸景只有頭那十二分鐘而已。

而驚喜係3D效果，其實之前睇過一次3D的卡通片，感覺係多咗一個前後的層次，而今次的睇到的唔係前後層次，而係哈利仔離開咗個screen，而係企係你前面，近到好似可以touch佢咁，嘩!!!好勁呀!!雖然只係得十二分鐘3D效果，但夠啦~~那十二分鐘對眼真的夠累了。我覺得應該係那十二分鐘後比個十多秒的Break會好d，因為我覺得我對眼接唔切出戲，暈暈哋~~~

雖然這集係失望，但仍然會去睇第七集，因為好想知個結局係點。(但其實有無開始拍大結局呢?)

 

原本計劃咗昨日砌上星期係動漫買的Lego屋，但竟然昨日係最無生產力的一日。

朝早一起身就頭暈，食咗之前醫生開的止暈藥，但食咗幾個鐘都仍然係暈，只要個頭轉得太快的話，我就會飄吓飄吓。所以最後都係走咗去屋企附近的醫院睇門診，個醫生都唔知係唔係，同一個問題問完又問，究竟佢有無聽我講野。最後打咗止暈針，但到我夜晚睏時仍然係暈暈哋。oh no~~支針好貴呀!!

其實係星期六時，我好精神，仲精神到可以去做gym，(其實這日我仍飲緊中藥，這個唔係飲藥粉的中醫，而係我是但找的中醫，佢ok呀，飲咗藥之後終於可以睏醒，唔駛成日都好似睏唔醒咁)，但第二日起竟然會係咁。

最後睇完醫生都唔知咩事，我同森娒估計可能係血壓的影響，因係門診那裡量到上壓106，下壓52，心跳62。雖然醫生話血壓係低咗少少，應該無乜野，但我同森娒諗來諗去唔知咩事，唯有當係啦，個心會安心d。放心~~今日我無暈了，都ok精神的。

唉~~間屋仔幾時先可以砌呀!

我的病大大話話都成兩個幾星期，如果我唔睇醫生，病咁耐都抵死，但我唔係，我有睇醫生，仲要係由初起時(真係剛剛開始咳兩聲)已經去睇醫生，但到現在，病菌總係唔肯離開我呢!
~~~~~~~~~~~~

太后，係呀!Lego真的好貴呀，所以每買一次就心痛一次。

這個星期，除咗病同病之外，其他野真係唔係咁記得。
大事還有印象，就是上個星期日去咗書展，而昨日竟然食藥食到傻吓傻的我仲堅持去動漫。
先講番個病先，簡直係神奇，係這個一星期病前幾日先因為頭脹、頭重同頭痛去睇醫生，食完兩日藥好似好番。點知，係星期一Luncah時食咗一個麥噹噹開始，原本諗住食完咁熱氣的野，放工走去街邊飲杯清熱茶，點知工都未放就開始該，咁唯有找醫生幫手清熱，一係唔睇，點知一睇，醫生話我個喉嚨紅到好緊要，及之前感冒未清，再加上M完後(即係麥噹噹前兩日)食咗d白鳳丸，所以一次發出來，好彩的係我肯早去睇醫生，否則手尾長。但所謂的早，中藥不及我身體內的病菌勁，飲咗藥依然所以有感冒特徵出來了，最poor係頭痛，飲藥第二日係最痛的一日，早上ok，我忍到那種痛，但到晚上飲完藥先開始愈來愈痛，oh no~~~飲完中藥不能立即食西藥，唯有那晚咩都唔做，早早上床瞓，希望瞓醒唔痛，但這個假象去到半夜要面對現實，痛醒咗....死死地氣起身食止痛藥。自始以後，頭一直都痛，只係不太嚴重，忍得住。前日終於食完中藥(醫生一開開咗五藥)，最後都係要西醫。希望食完西藥可以好番！
唉!!!這個麥噹噹真係貴~~~~心痛~~~~

本想住今個月唔好用咁多錢，點知d錢反而好似水咁去。
係睇醫生前，我無諗過自己會病，所以係書展中買書買得好開。雖然唔多，但加起來可以睇兩次西醫咁制。如果係咁，早知只係買渴求咗好耐的一本書就算了。
但原來病睇完醫生後買野買得仲痴線，真係有d後悔去咗動漫，無錯，我去咗動漫，嘩!!人多到有時行都行唔到，前後左右係咁推，但推都無用，根本係行唔到。而去動漫唯一可以證明我係病到傻的證據係我竟然著拖鞋，上一日去書展我仲識記著鞋，去動漫著拖鞋，證明我唔睇醫生唔得。其實我肯去迫的原因係Lego，係counter裡面會有比賽作品，d人砌得好靚，我好想去睇，所以先去動漫。去得睇就唔差在買d返屋企砌吓啦。一盒消防車係我之前promise森娒作生日禮物送比佢(這盒比我預期早出現，所以未預這份錢)，而另一盒屋仔係去度我睇到時對眼唔肯離開佢，這情況下，森娒就帶著佢離開(最後我都比番一半錢佢啦，因昨日佢已買一套priate公仔比我。唉~~~這就是意外的支出。我已係這幾個月忍手沒買衫，現在係忍多咗樣，幾個月唔好出街先得。

 

好久沒有報導過曹經理的勭向了。
其實佢靜過一輪，多數都係假期後那日就會收到地產、外賣等，可能因為佢撞中我老闆個姓，所以大部份電話比咗我老闆聽。
但最近曹經理竟然搵到我公司其他老闆的姓，我老闆話應該係曹經理找過公司註冊的資料，所以佢可以到其他老闆姓。其實，那些電話係找其他老闆反而我哋會知道，因為其他老闆絶對唔會留我哋這邊個電話號碼。但如果找我老闆的話就唔知了。
之前多數星期一先會收到那些電話，但最近就唔係，平日都有收到。今日臨放工時係咁收到電話，耐唔耐我行過老闆個位時，就會聽到佢係度同對方解釋唔係佢打電話去買樓等等。
睇來曹經理都有排玩了。佢真係好無聊，講真有病就去睇醫生，睇完醫生就食藥，唔好係度煩人。

今次的颱風好似好平靜咁過咗，因為係佢最勁的時候，就係我"瞓"得最熟的時候，所以咩都唔知。
點知第二日起身時，森娒就發現咗上唔到網，起初以為係我之前一晚推倒個modem，所以連now tv都睇唔到。但一打電話hotline諗住去問時點算時，佢的錄音第一部份係如果出現上唔到網的解決方法。好明顯係颱風影響，跟過電話錄音的方法去做呀，可惜都係唔得，最後係要找人上門弄。今日知道係咩事了，就係個modem壞咗。
除咗個modem外，令到原本係之前plan好的野全部取消，首先係本與豬小姐飯局取消，之後又將facial改期。點知3號風球得無乜雨，早知出街食飯，而第二日落咗風球後，簡直好天得過份，早知唔cancel facial啦。
由於取消咗facial，所以又來整蛋糕，因之做的栗子蛋糕時餘下好多栗子茸，所以唯有繼續努力栗子。但做完個蛋糕後就無心機去砌砌圖，反而出咗街，咁就帶咗一隻Kuromi返屋企了。但未影相，所以未有得佢個樣了。

昨晚放工後，去咗mega box食飯。
去到時見到史迪仔時先醒起迪士尼係mega box內有booth，唉...無腰帶相機，不過好彩，現在的電話實在有好多funtion，包括相機功能，雖然象數無咁高，好過無呀!
由於我成十點先去找史迪仔影相，所以無乜人，因此想點影都得，影幾張都可以。真係好彩無乜人，我用的始終係電話，唔係相機，無防手震的功能，所以同一個地方要影幾次先得。所以少少野都影咗半個鐘。

明明食緊止痛藥，點解除咗因為痛得太犀利的肋骨位外，連舊患都痛???今日再去睇醫生時，醫生聽到都覺得好笑，食住藥都會有其他位置痛的。當我覺痛時，唯有抺藥膏，那當然係醫生開的止痛藥膏啦。
而我的肋骨的痛食咗藥係好d，無之前輕輕力touch都痛，但如果按佢的話都仲會痛，除咗餘下少少痛之外，仲有d脹住及頂住的感覺，希望今埋這三日藥可以好番。
講真，好係係好想食這種藥，因為我食這種藥食得多係會好熱氣，即會出現咳及喉嚨痛囉.....快快快好番。

唔知係唔係曾經得罪過睇開的醫生呢?!我去睇肋骨的痛，醫生一次又一次咁按我個痛位，佢係想confirm個位，但當醫生按一次，我就"叔"一次，因為其實個位係輕輕touch佢都會痛，而醫生唔係輕力，用正常的力度去按。oh~~~無得走，有得走我會逃走。
點解會痛???係因為早前唔知咩原因用力呼吸時係有少少脹住的感覺，咁係前日去做gym玩機時，一個不小心，咁就弄痛佢了。(這個位係之前第x節肋骨骨膜發炎的位置)本來諗住等佢自己慢慢好，但唔得，愈來愈痛，所以放棄咗等佢自己好，都係去睇醫生吧了。
我睇完醫生仲痛過未睇之前，就係因為醫生太想尋找真正的位置了，因醫生知道我係做gym弄痛，無撞過，所以成日話我應是肌肉痛，但醫生呀~~~我唔會咁無聊肌肉痛就去食藥，真係平時食藥食唔夠咩!!
希望食完這幾天的藥就好番，最好就隨手醫埋我隻手啦!

妹妹就來生日，咁好明顯正日那日我一定book唔到佢，所以昨日返媽咪家食飯時，順便帶埋前一晚好努力咁整的黑森林蛋糕。
係做起個清蛋糕起頂時，試過個蛋糕的質感，好鬆好軟。但第二日妹妹切好後來食時，就發現好實呀!唔知係唔係因為雪咗一日，所以抽乾咗d水，所以實咗。唔~~~真係有d失望，點解個蛋糕變咗的，但卻好開心見 到妹妺見到個蛋糕同禮物時開心的樣。
好~~~我會努力再整蛋糕，不過我試都係即日食好d啦!

個蛋糕個樣就真係幾醜吓

 

太后，放心我個喉嚨無事啦，只係到現在都係成日好口乾，所以仲係睇緊醫生。(落咒：醫生唔要再見到你!!!)

這幾晚唔知做咩事，"訓"唔到，成晚醒，弄到第二朝好似無"訓"過咁，好耐未試過咁樣了，唔知幾時先可以一覺"訓"天光，期待中....

 新返到屋企的公仔，啊~~~好爽呀!!

由我細細個開始都睇中醫，到出來做野後，都有睇，不過以前係媽咪煲藥，之後就醫生那裡煲藥。
由上個星期四開始病，食西藥食咗一個星期，病係有好的，起碼我唔會成日都好易累，喉嚨痛，無咁咳，但可惜總係有d咳，所以無辦法，又要睇醫生，但今次係中醫。
這個中醫係我第一次睇，所以唔知佢可唔可以醫好，但好得意的係佢係開藥粉，我第一次可以自己返屋企沖中醫飲。沖出來，同一般的涼一樣，黑黑的及一樣係苦的。不過講真，咁又真係好方便，我可以選一個自己可以飲的時候先沖來飲，咁當然都係限制，一日沖一包，只係自己可以控制時間，唔駛一要放工後跑到醫館那裡飲藥，之後又要衝衝忙忙走去買餸。時間真係好趕!!
而藥粉我就可以整好所有野之後，先慢慢沖藥飲。
醫生開咗五包藥粉，希望食完d藥會好番，不過我聽醫生講雖然我個喉嚨無痛，但其實係發緊炎，仲要係好紅那種，好彩的係無白點點。好彩之前睇咗西醫，如果唔係，我諗我個喉嚨會爛都有份。
細菌，快d走呀!!!