| Lau's profile瑞琪兒PhotosBlogLists |  Tools  Help |
瑞琪兒
November 06 敏感唔...我唔知touch度d咩野，係星期一難得我肯去做完gym返家洗腳時發現兩腳的腳掌面及大腿面紅咗，我以為腳掌紅係因為沖洗的熱水過熱(但只係溫水來的)，而大腿面的紅係因為我手臂按到紅咗，點知係做mask其間那兩個紅咗的位置好痕，做完mask帶番眼鏡先睇到佢變咗一塊"難"(係，係一塊，唔係一粒粒的)。之後我就"ar"個不停了。之前買咗支敏感用的藥膏，但好似無效咁，唯有死認，唔touch佢唔會再變大。 到咗晚上瞓時先難忍，瞓到唔知幾點後頸好痕，除咗頸之外，就連頭皮都痕，唯能將痕癢減低就係側睡，仲要撥起頭髮唔好touch到條頸。唉...為咗第二晚有覺好瞓，唯有睇醫生。 唔....醫生問我至敏原係咩...我答我唔知，只係去做gym，(心諗平時有去，不過隔咗兩個月無去"姐")，我做gym前都無食過咩，那日個胃十分唔舒服，連食唔想食，所以真係唔知bor。就係咁，食咗三日敏感藥，就咁迷迷糊糊咗三，這三我做過咩都唔係好清楚了。 但唯一這個敏感的出現好攪笑的係一開始係腳掌面及大腿紅及痕，小腿無事。到痕到周身都係時，小腿一路都無事的。簡直奇怪及好笑。 October 28 舒服地沖涼上個星期講緊個熱水爐由熱水自動變凍水，本來想打電話跟業主講可否換咗個爐，但點知同森娒行日本城時，森娒發現咗一款花灑叫低水用壓花灑，價錢只係數十元，所以就買返屋企試吓。 就係這個低水壓花灑，就可以免了跟業主講要換爐的事件。原來係原本用的花灑(其實係舊屋那邊拿過來的有按摩功能的花灑頭)唔適用係這裡，但明明之前住的係高過現在新屋一層，那邊沒問題，但這邊竟然大到可以令水溫咁唔穏定。奇怪! 就自新花灑頭的加盟，咁我終於可以沖個溫度適中的涼啦!舒服曬! October 24 成功搬家搬入新屋住剛剛一個星期，感覺唔錯呀!起碼唔會有狗吠聲、水泵不斷又開又閂的嗚嗚聲，這裡寧靜得多，塵又無咁大，住得比較舒服。 可惜，到現在唯止，我都係未能識用沖涼的熱水爐，總係沖沖吓涼會變凍水，又要我重開過個火先可以用。(個爐係最舊式的唔駛開窗的煤氣爐)佢的水好唔穏定，都唔知點先得。 除此之外，基本上無乜大問題。雖然樓齡高d，但如果有錢，我都唔介意買佢的，因為這個地方見使。 我可以將舊屋的野全部搬到新屋，仲可以買多個細細哋的書櫃。所以某程度上來講，新這邊係大d，但以數字上來講，舊屋的建築面積比新屋要大d呢! 希望這個業主唔會加租加太多，如果係咁，咁就可以多住幾年。 September 14 澳門煙花節終於去咗睇澳門的煙花節。 好睇!!我比較喜歡法國，因為colourful，同d顏色比較sharp。而台灣唔係唔好，但一比較下，我偏愛法國。如果下次再有煙花節，又有錢的話，我會c hoose其他國家。 星期六那日放工就立即走去坐船，但唔知係唔係因為海比較大浪，所以上咗船無奈就開始個胃頂住同少少頭痛。好彩，到咗睇煙花時沒事，仲好精神咁去睇。仲係台灣和法國之間的空閒時間，同橙小姐及豬小姐影咗好多相呢~~我諗我哋未試過有一個咁長的空閒時間去影相啦! 而星期日則餘下我同森娒玩，去的地方只有三個，澳門保安部隊事務局、盧廉若公園、國父紀念館，有名的大三巴等等都沒有去。其實都係想休息下，無謂再去一d之前必去的旅遊點。那三個地方真係無乜特別，真係純粹未去過。我諗去特別去到國父紀念館時以為自己去咗台灣，因為其中一間房係有幾支台灣的青天白日滿地紅的旗，仲要又有個房放滿台灣的相，真係有錯覺自己去咗台灣。 不過星期日那日真係好熱，熱到我去到碼頭坐定定時就開始覺得頭痛，唔~~~又係船度"瞓"。 返到屋企，成個人散咗~~~ September 05 變了不經不覺，傻姨甥仔今年讀中一，咁我就好無聊走去睇吓佢而家的書，點知發現本書似小學生的書多過中學生的書，唉...當年我讀中學時的書公仔都唔少，點知現在仲誇張。 唔知係唔係因為我同傻姨甥仔唔係讀同一間學校，所以唔知係唔係因為這個原因，佢哋上堂唔係跟cycle，而係好似小學咁，跟星期幾上堂，定係現在的學校已經無咗cycle這樣野呢? 除咗這樣之外，原來科目都有點唔同，中、英、maths、中史同IS(佢哋唔係IS，個中文名好長的)之外，無咗Geog(但仍要買altas)、History、EPA，取而代之係有科叫人文咩咩咩(個名太長，記唔到)。 我諗我真係老了，連學科的名都唔明。 |
|
||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
